Otu Nigeria Union of Eectricity Employees emela ngaghari iwe megide njichi ejichiri otutu ndi otu ha na Anambra state.

Ndi otu Nigerian Union of Electricity Employees anorola tata bu Thursday me ngaghari iwe megide mnwuchi nakwa njichi ulo olu Enugu Electricity Distribution Company EEDC nwuchiri ndi otu ha mmadu ise.

Yabu ngaghari iwe bu nke were onodu na ulo EEDC nile digasi na Awka, onitsha nakwa na mpaghara ndi ozo di na state ahu,ka ahutara ndi olu ha ebe ha nochichara uzo nile esi abanye n’ ulo olu ahu ma kwusi olu iga n’ iru.

Ndi otu ha eji eji, gunyere otu onye Nne ji umu ato,ka ozi n’ akowa,na ndi nchekwa akporo special Anti-Robbery squad anwuchiri na mpaghara Awkuzi, na abali iri ato na otu nke onwa July afo a anyi no n’ ime ya site na ntuziaka nke ndi nchikwa ulo olu EEDC kwere maka ebubo ngahe uzo n’ olu.

Habu ndi ngaghari iwe gakwara n’ iru kwa ariri megide nchocho ego ana akwukwo ha, enweghi ezi nlekota aru Ike, mmegide nakwa ochichi aka Ike eji esi ha bu nke duragoro otutu ndi otu ha mmuo n’ Ike.

Habu ndi iwe di n’ obi nochisiri ebe nile esi abanye n’ ulo olu ahu, bucha obosara akwukwo nke emechara ihe di iche iche dika, tohapuru anyi ndi otu anyi, kwuo ndi olu unu ugwo onwa nwere isi, emegidezina ndi oru unu,nakwa otutu ihe ndi ozo.

N’ okwu ya n’ oge yabu ngaghari iwe n’ aga n’ iru,ka onye isi oche otu a bu Mazi Ndukwa Bonaventure noro kowa na anwuchiri ndi otu ha n’ emeghi ka ndi ezinulo ha nakwa mmadu mata ganye na ha eme nnyocha ga na nke ndi uwe oji we choputa.

N’ aka nke ya ka osote onye isi oche otu NUEE na state ahu bu Mazi Friday idoko kwakwara ariri megide ajo onodu ha n’ enweta site n’ aka ndi nchikwa ulo olu EEDC.