Senator Orji Uzor Kalu nke otu ndorondoro ochichi All Progressives Congress APC ekwuola na obu naani otu onye ka ha nwere ga a zoro ha okwa onyeisi ala Nigeria nke afo 2027

Senator Orji Ụzọr Kalu nke otu ndọrọndọrọ ọchịchị All Progressives Congress APC ekwuola ya ka ọ daa gem na ntị onye ọbụla na otu ndọrọndọrọ APC bụ naanị otu onye ka ha nwere ga a zọrọ ha ọkwa onyeisi ala Nigeria nke afọ 2027.

Senator Kalu bụ onye kwuru mkpa ọ dị na nwa afọ Igbo weghara ọkwa ọchịchị Nigeria dịka onyeisi ala kwuru na nke ahụ agaghị abụ n’afọ 2027. Dịka ọ kwụdosiri ike na President Bola Ahmed Tinubu ga-achịzuriri afọ asatọ zuru oke.

Ya bụ aka chiburu Abia State kwuru nkea ụnyaahụ bụ Monday n’igwe onyonyo Channels television n’oge ihe omume akpọrọ politics today. O kwuru na oge ahụ onyeisi ala ga achịzucha etu o kwesiri, na ụmụ Igbo ga e jikọ aka ọnụ wepụta otu onye ụmụ afọ ala anyị niile ga ejiri otu olu na otu obi were nabata.

N’okwu ya, ka Senator Orji Ụzọr Kalu mere ka o doo anya n’agbanyeghị na President Tinubu ekwubeghi na ya ga azọ ọkwa onyeisi ala nke ugboro abụọ ya, mana ha onwe ha dịka otu ndọrọndọrọ ọchịchị ekwupụtala ya na ọ ga agara ha ọzọ nọkwa nke onyeisi ala mgbe oge ruru.