Otu onye nnochite anya okpuru ochichi ime Obodo na Ebonyi state enyela ulo olu WAEC iwu Iweputa mputara ule umu akwukwo ha jichiri ejichi.

Nwa amadi ahu na anochite anya ikwo/Ezza South federal constituency nke Ebonyi state n’ ulo nzuko nnochite anya ogogo etiti ala anyi bu Hon. Chinedu Ogah, enyela ulo olu West African Examination council WAEC abali asaa Iweputa mputara ule umu akwukwo di otu nari puku na iri itolu na abuo na iri asato na itolu bu ndi nke ha ejichiri kwere ma ebubo ntapu ule.

Hon ogah gosiputara enweghi afo ojuju ya nyere akpara m agwa di etua ma do aka na nti si na oburu na ulo olu WAEC eweputaghi mputara ahu n’ ime oge a onyere ha na oga akpupula ha ulo ikpe dika okowara na nkea bu oke mmegide gara ndi ntorobia ala anyi.

Iga echeta na onye isi ulo olu WAEC bu Dr. Amos Dangut noro na mbu kwuputa njichi ha jichiri mputara ule umu akwukwo onu ogugu di otu nari puku na iri itolu na abuo,na iri asato na itolu nke putara percent itolu na Uma iri asaa na ise n’ ime onu ogugu ndi nile dere ule WAEC nke afor a bu 2025 kwere maka ozi ntapu ule ha nwetegasiri n’ ebe di iche iche.

Na nzaghachi ya ka Hon ogah noro katosie ya Ike na akowa na si na nkea bu nnukwute ihe aka mgba diara odi n’ iru umu akwukwo bu ndi nke malitegoro itinye akwukwo maka nnabata na mahadum.

Otaziri ulo olu WAEC uta si n’ oburugodu n’ enwere ihe dika ntapu ule ha hutara,na ha kwesiri ilebara ya anya ozugbo n’ abughizi ma ogatacha otutu onwa,dika okowara na obu nani n’ ala anyi a bu Nigeria ka udi ihe di etua nwere Ike ime na mpaghara nile nke west Africa.