CBCN Akowala Ihe kpatara Ha Jiri Gbaghapu Peter Obi Malitezie Ikwado Tinubu
Written by admin on September 15, 2026
by Chika Nwazu
Otu jikọrọ ndị ụkọ Chukwu akpọrọ Charismatic Bishops’ Conference of Nigeria, nke onye ndu ha bụ Leonard Kawas akọwaala ihe mere ha ji gbanwee nkwado ha site n’aka Peter Obi gaa n’aka Onyeisi Ala bụ President Bola Ahmed Tinubu maka ntuliaka onyeisi ala nke 2027.
Kawas kwuru na n’afọ 2023, ya na ndị otu ya kwadoro Peter Obi megide Tinubu. O kwuru na mkpebi ahụ bụ ikike ya dịka mmadụ, dabere n’ihe ndị dị n’ala na ntụziaka nke Mmụọ Nsọ.
Ugbu a, Kawas kwuru na ya na ndị otu ya kwenyere na Tinubu na-aga n’ụzọ ziri ezi n’ịchị obodo. N’ihi nke a, ha kpebiri ịkwado mbọ ya ịzọghari ọkwa ọchịchị n’afọ 2027.
Ọ sịrị na ha nwere okwukwe na Tinubu ga-eme ka Nigeria ruo n’ọkwa dị elu n’akụkụ dị iche iche. O kwukwara na nkwado ha abụghị n’ihi uru onwe onye, kama ọ bụ n’ihi ihe ha kwenyere na ọ bụ ụzọ kacha mma maka obodo anyị.
Ndị Bishọp Charismatic abụrụla isiokwu mkparịta ụka ndọrọndọrọ ọchịchị kemgbe ha kwadoro Tinubu.
