MBA AMERICA ENYELA UMU AFO NIGERIA NTUZI AKA OHURU MAKA OHERE VISA NJEM GAA MBA AHU
Written by admin on December 11, 2024
Ulo olu nnochite anya mba United States of America akporo US Embassy enyela ntuzi aka ohuru gaara umu afo Nigeria na acho ohere Visa isite ala anyi a gawa mba America na usoro ha ga agbasoro.
Nke a bu dika osiri metuta ndi ahu nnwale ha maka yabu ohere Visa ga ewere onodu ma ogasia abali mbu nke onwa ozo bu January afo 2025.
Na ntuzi aka a rutere ndi nta akuko aka taata bu Wednesday ma buru nke ekwuputara kemgbe unya bu Tuesday ka US Embassy nyere ndumodu gaara habu ndi na acho ohere iga mba America ka ha gba mbo kpoturu ulo olu US Consulate General dina Lagos State opekata mpe ugboro abuo dika otu na usoro inweta ikikere ohere njem mba ofesi a na udi amara dika Immigration Visa Process.
US Embassy mere ka amata na nke a ga enyere ndi ahu na acho ohere njem mba America aka ikwadobe nke oma maka yabu nnwale Visa Interview ma ogasia abali mbu nke onwa ozo.
Ulo olu nnochite anya a kwuputara na yabu ntuzi aka ga egbochikwa ajo onodu igbu oge na ihe banyere inweta ikikere ohere njem mba ofesi a.
